Bunazza
‘U pitrulizzu 1 abbrucia
e parpagghìa,2
Marsala acchiana ‘n celu p'a Murgana: 3
c'è fruscuredda vascia a tramuntana,
senz’alitu di ventu...
Carmarìa ‘n canali e spiaggi spiaggi.
A' Sicchitedda, supr'ô so’ scogghiu,
comu 'mparsamata,
l'arbazza 4 sta cu
ll'ala stinnigghiata,
ma teni d'occhiu 'i sciàmi d’a sardedda.
E' mezzijornu e l'acqua va a siccari:
'i cur’i ‘urpi 5 e 'u lippu d'i balati 6
ammàranu sutt'ô suli già caliàti; 7
è ‘n siccu arripuddrùtu l'ogghiammàri.8
‘Nto vagnasciùca di li praj di rina
e chianchi chianchi 9
e dintra li pirtusa
l'acqua chi nesci va, mistiriùsa,
scuccannu vasunedda a la marina...A
Circànnu 'i zzottiB e dd'ogghiammàri ‘
n siccu,
'na inchitùra di risacca stanca
acchiana araciu l'orru di ‘na chianca,
pi spànniri queta 'u so’ lammìcu.C
L'acqua d'avanzu fa la ritiragna
e lava 'i tan'aranci primurùsa ;
...ci curri appressu, sperta, 'na vavusa D
c'àvi un quartu d'ura ch'un si vagna...
|
Foto: G. Torrente 1994
|
